दुध बिक्रिमा सहज भएपछि पशुपालनमा आकर्षित

उमा पौडेल
सिन्धुली ,पुस १९ ।
दुध बिक्रिमा सहज भएपछि सिन्धुलीको जलकन्या गाबिसका कृषकहरु पशुपालन तर्फ आकर्षित भएका छन् । सिन्धुलीमाढीमा डेरीको संख्या बढेसँगै उत्पादीत दुधले राम्रो बजार पाएपछि उनीहरु भैसी तथा गाई पालनमा आकर्षित भएका हुन् । पहिले पहिले उत्पादन भएको दुध खाएर वा अ‍ैचो पैचोबाट जसरी पनि सकाउनु पर्ने बाध्यतामा रहेका कृषकहरुले आजभोली दुध बेचेरै मासिक ६ हजार भन्दा बढी आम्दानी गर्ने गरेका छन् ।

 जलकन्या गाबिसका बिभिन्न वडामा रहेका कृषकहरुले उत्पादन गरेको दुध एक ठाँउमा जम्मा गरि सोलाभन्याङ्मा ल्याएर ढुवानि गर्ने गरेको स्थानीय गिता देबकोटाले बताउनुभयो । 

आफुहरुले उत्पादन गरेको दुध सिन्ुधलीको कोशेली डेरीमा बिक्रि गर्ने समेत उहाँको भनाई छ । यसरी डेरीले आफुहरुलाई मासिक रुपमा एकमुष्ट पैसा दिने गरेपछि घरायसी तथा अन्य समस्या समाधानमा सघाऊ पुगेको स्थानीयहरुले बताएका छन् ।