महिला हिंसाविरुद्धको आन्दोलन जारी

काठमाण्डौ,पुस २४ ।
महिला हिंसाविरुद्ध महिला अधिकारकर्मीहरुले देशव्यापी आन्दोलन जारी राखेका छन् । आज पनि प्रधानमन्त्री निवास बालुवाटारमा महिला अधिकारकर्मीहरुले धर्ना जारी राख्ने भएका छन् । बिहान ९ बजेदेखि ११ बजेसम्म अकुपाई बालुवाटार अन्तर्गतको धर्ना जारी रहने अधिकारकर्मीहरुले बताएका छन् । 

महिला आन्दोलनमा पुरुषको सहभागिता पनि बढ्दै गएको छ । यसैबीच नेपाली काङ्ग्रेस नजिकको नेपाल महिला सङ्घले आज महिला हिंसाविरुद्ध दोस्रो चरणको आन्दोलन घोषणा गर्ने सङ्घले जनाएको छ । आज देशव्यापी रूपमा साङ्केतिक रूपमा कोणसभा गरिनेछ ।