डेकेन्द्र थापाको हत्या अनुसन्धानमा संलग्न डिएसपीसहित निरिक्षकको सरुवा

काठमाण्डौ,माघ ११ ।
सरकारले पत्रकार डेकेन्द्रराज थापाको हत्या अनुसन्धानमा रहेका एकजना प्रहरी उपरिक्षक र दुई प्रहरी निरिक्षकको सरुवा गरेको छ । प्रहरी उपरिक्षक डिएसपी शारदाप्रसाद चौधरी, प्रहरी निरिक्षक इन्द्रप्रसाद सुवेदी र किरण न्यौपानेको गएराती सरुवा गरिएको प्रहरी उच्च स्रोतले  जानकारी दिएको छ । 

डेकेन्द्रथापा हत्या प्रहरणको छानविन अघि बढाउन निर्देशन दिने डिएसपी चौधरी र अनुसन्धानमा प्रत्यक्ष संलग्न रहेका दुई प्रहरी निरिक्षक सुवेदी र न्यौपानेलाई आजैदेखि सुर्खेतमा रहेको दंगा नियन्त्रण क्षेत्रीय गणमा पठाइएको छ । अनुसन्धानलाई प्रभावित गर्न सरकारले प्रहरी प्रधानकार्यालय मार्फत सरुवा गराएको स्रोतको दावी छ । अनुसन्धान अधिकृत प्रहरी निरिक्षक विनोद शर्मालाई पनि सरुवाको तयारी भइरहेको छ ।