जन्ती बोकेको ट्याक्टर दुर्घटना

काठमान्डौ माघ १५।

कैलाली, १५ माघ । पूर्वपश्चिम महेन्द्र राजमार्ग अन्तर्गत कैलालीको बनबेहडा

व्यारेकको चेकपोष्ट नजिक जन्ती बोकेको ट्याक्टर दुर्घटना भएको छ ।

दुर्घटनामा १ जनाको मृत्यु भएको छ भने २१ जना जन्ती घाइते भएका छन् ।

भजनीबाट धनगढीको मजगाउँ आउँदै गरेको से १ त २२४५ नम्वरको ट्याक्टर आज

बिहाना दुर्घटना भएको इलाका प्रहरी कार्यालय चौमालाले जनाएको छ ।

मृत्यु हुनेमा भजनीका २५ वर्षीय कालुराम चौधरी रहेका छन् । घाइते २१

जनाको कैलालीको अत्तरियास्थित सेवा नर्सिङ होममा उपचार भैरहेको छ ।

घाइते मध्ये सात जनाको अवस्था गम्भीर छ । गम्भीर घाइते हुनेमा कैलाली भजनीका

२२ वर्षीय धनीराम चौधरी, १३ वर्षीय आशीष चौधरी, १८ वर्षीय देवकुमार

डगौरा, ३० वर्षीय शेरबहादुर चौधरी, ३३ वर्षीय शिवलाल चौधरी, २५ वर्षीय

प्रेमलाल चौधरी र खैलाडका ३० वर्षीय बाबुराम चौधरी रहेको अस्पतालले

जनाएको छ ।