शौचालय नभएकालाई सरकारी सेवा रोक्ने

काठमाण्डौ,पुस १८ ।
यदि तपार्इं कोल्बुङ गाविसको बासिन्दा हो र घरमा शौचालय छैन भने तत्काल शौचालय निर्माण गर्नुहोस् । तपाईंको घरमा शौचालय छैन भने तपाईंले गाविस कार्यालयबाट पाउने सरकारी सेवा पाउन सक्नुहुन्न । गाविस सचिव भोजकुमार अधिकारीको अध्यक्षतामा सरसफाइ तथा स्वच्छता समितिको आइतबार बसेको बैठकले फागुन १ गतेबाट लागू हुने गरी शौचालय नभएका घरका व्यक्तिलाई सरकारी सेवा नदिने निर्णय गरेको हो । गाविसलाई सन् २०१३ सम्ममा खुल्ला दिशामुक्त बनाइसक्नुपर्ने जिल्ला विकास समितिको निर्देशनबमोजिम सो निर्णय गरिएको सचिव अधिकारीले बताउनुभयो । 

 

 गाविसका एक हजार ८० घरधुरीमध्ये ५३८ घरमा मात्र पक्की शौचालय रहेको जनाइएको छ । शौचालय नभएका बा“की ४४२ घरधुरीमध्ये अति विपन्न परिवारको सूचीकृत ६० परिवारलाई भने जिविस, गाविस र खानेपानी तथा सरसफाइ डिभिजन कार्यालयको प्राविधिक तथा निर्माण सामग्रीको सहयोगमा शौचालय निर्माण गरिनेसमेत उहा“ले जानकारी दिनुभयो । आगामी एक वर्षभित्रमा सिङ्गो गाविसलाई नै खुल्ला दिसामुक्त बनाउन सुरुदेखि नै पहल गर्नुपर्ने भएकाले गाविसले यस्तो निर्णय गरेको स्थानीय अगुवा गणेश अर्यालले बताउनुभयो । कतिपय लब्धप्रतिष्ठित व्यक्तिका रूपमा कहलिएका व्यक्तिका घरमा समेत शौचालय नभएको पाइएको छ, सचिव अधिकारीले भन्नुभयो, “पहिलो टार्गेट उनीहरूले घरमा शौचालय बनाउने त्यसपछि अन्य व्यक्तिले समेत बनाउन सजिलो पर्छ ।”