ट्राफिक नियम उलंघन गरि सवारी चलाउनेको संख्यामा बृद्धि
http://sindhulidarpan.blogspot.com/2013/01/traffic-police.html
उमा पौडेल,
सिन्धुली,पुस २० ।
जिल्लामा ट्राफिक नियम उलंघन गरि सवारी चलाउनेको संख्यामा बृद्धि भएको छ । जिल्ला ट्राफिक कार्यालय सिन्धुलीका अनुसार मंसिर महिनामा नियम बिपरित संचालन भएका २८० सवारी कारबाहिमा परेका थिए । मंसिर महिनामा ४७ वटा बस, ५२ वटा ट्रक , ४८ वटा कारजिप र १०७ वटा मोटरसाईकल र २८ वटा ट्याक्टर गरि जम्मा २८० सवारीलाई कारबाहि गरेको हो । जसबाट ४९ जनार ४ सय रुपैया राजस्व संकmन गरिएको थियो । त्यस्तै कात्तिक महिनामा २०० वटा सवारीलाई कारबाहि गरिएको थियो । जसबाट ४१ हजार ६ सय ५० रुपैया राजस्व संकलन गरिएको छ ।
पौष महिनामा भने अहिलेसम्म २२० वटा सवारी कारबाहिमा परिसकेका छन् भने यस महिनामा ४० हजारभन्दा बढी राजस्व संकलन भैसकेको छ । ट्राफिक पोष्ट सिन्धुलीको माझिटार र खुर्कोटमा मात्रै स्थायी रुपमा संचालन गरिएको जिल्ला ट्राफिक प्रहरी कार्यालय सिन्धुलीका ईन्चार्ज लिलानाथ चौलागाईले जानकारी दिनुभयो । बढ्दो ट्राफिकको संख्या, बाटो बिकास र सवारीको संख्या बढेसँगै सवारी कारबाहिमा पर्ने क्रम बढेको चौलागाईको भनाई छ । जिल्लाको गडौली , भिमान, शान्ति नगर चोक, २ नं बजार लगायतका स्थानमा छड्के जाँच गरिने गरेको बताईएको छ । 
Post a CommentDefault CommentsFacebook Comments
प्रतिक्रीयाका लागि धन्यवाद !