काङ्ग्रेस पार्टी कार्यालय सिन्धुलीमा चोरी

नबिनबाबु अधिकारी,

सिन्धुली,फागुन १७ ।

नेपाली काङ्ग्रेस सिन्धुली पार्टी कार्यलयमा चोरी भएको छ । गए राति पार्टी कार्यालयमा रहेको दराजबाट चोरी भएको हो । नेपाली कांग्रेस जिल्ला कार्यलय, क्षेत्रिय कार्यलय, नेपाल विद्यार्थी संघ, नेपाल तरुण दल र दलित संघको दराज फेरेर करिब ४८ हजार नगद चोरि भएको पार्टी कार्यलय जनाएको छ । 

पार्टी कार्यलयका अनुसार  नेपाली काङ्ग्रेस निर्वाचन नम्वर १ क्षेत्रीय कार्यलयको करिब २५ हजार, नेपाल विद्यार्थी संघको करिब साँढे १७ हजार, दलित संघको ५ हजार, नेपाल तरुण दलको ३ हजार ५ सय र महिला संघको २ हजार नगद हराएको छ । 

क्रियाशिल सदस्यताबाट उठेको रकम नयाँ सदस्य फमको पैसा चोरी भएको पार्टी सभापति मोहन वरालले जानकारी दिनुभयो । घटनाको छानविन भई रहेको जिल्ला प्रहरी कार्यलयले जनाएको छ ।