एकसय ८० केजी गाजासहित चालक र एम्बुलेन्स नियन्त्रणमा

 बारा,फागुन १७ ।
लागु औषधको कारोबारमा संलग्न हरुले एम्बुलेन्स सेवाको दुरुपयोग गर्ने गरेको रहस्य खुलेको छ । बाराको सिमरा प्रहरीले गएराती  अमलेखगन्जबाट एउटा एम्बुलेन्ससहित १८० केजी गाजा बरामद गरेपछि यो रहस्य सार्वजनिक भएको हो । ना २ च ६७८० नम्बरको एम्बुलेन्समा तस्करहरुले मकवानपुरको बसामाडीबाट सिराहा लैजान लागेको गाँजा विशेष सुराकीको आधारमा प्रहरीले बरामद गरेको इलाका प्रहरी कार्यालय सिमराका प्रहरी निरीक्षक राजेन्द्र श्रेष्ठले जानकारी दिनुभयो । 

१२ वटा पोकामा रहेको अन्दाजी १ सय ८० केजी गाजासहित एम्बुलेन्सका चालक नवलपरासी रजहरका चिन्तामणी सापकोटा र गाँजा धनी मकवानपुर बसामाडीका कृष्ण गोलेलाई आवश्यक अनुसन्धानका लागि इलाका प्रहरी कार्यालय सिमराको हिरासतमा राखिएको छ । प्रारम्भीक अनुसन्धानमा उनिहरुले संगठित रुपमा गाँजाको तस्करी गर्ने गरेको खुलेको प्रहरीले जनाएको छ । गाँजा बोकेको एम्बुलेन्स क्षेत्री समाज भरतपुरले संचालन गरेको हो ।