पारसको स्वास्थ्य अवस्था स्थिर, हिमानी आज बैंकक जाने

काठमाण्डौ,फागनु ११ ।

हृदयघातपछि अस्पताल भर्ना गरिएका पूर्व युवराज पारस शाहको स्वास्थ्य अवस्था गएरातीसम्म पनि खासै सुधार आउन सकेको छैन । थाइल्याण्डको बैंककमा रहेका पारसलाई हृदयघात भएपछि मंगलबार रातिदेखि अस्पताल भर्ना गरेर उपचार भइरहे पनि अवस्था भने स्थिर नै रहेको छ । उपचारमा संलग्न चिकित्सकहरुका अनुसार पारसलाई गम्भीर प्रकारको हृदयघात भएको छ ।

 पारस छोरी बिरामी भएर बैंकक जान नपाउनु भएकी पूर्व युवराज्ञी हिमानी भने आज बैंकक जान लाग्नुभएको छ । बिरामी छोरीलाई केही दिन अस्पतालमै राख्नु पर्ने भएकाले छोरीलाई अस्पतालमै छोडेर हिमानी आज जान लाग्नुभएको बताइएको छ ।