ट्राफिक निगरानी बढेसँगै सिन्धुलीमा सडक दुर्घटनामा कमी

नविनबाबु अधिकारी,

सिन्धुली,माघ २५ ।
पछिल्लो समय सिन्धुलीमा ट्राफिक नियम पालन गरेर मोटर गाडी चलाउनेको संख्या बढे सँगै दुर्घटना कम भएको जिल्ला ट्राफिक प्रहरी कार्यलय सिन्धुलीले जनाएको छ । पचास प्रतिशत चालकले ट्राफिक नियम राम्रो सँग पालना गर्नु, बाटोको अवस्था राम्रै हुनु तथा शान्ति नगरचोक, चियाबारी हाइट तथा अन्य ट्राफिक पोष्टबाट चेकजाँच गरीएकाले दुर्घटना कम भएको ट्राफिक प्रहरीले जनाएको छ । 

 

 यहि माघ १७ गते देखि २४ गते भित्रमा सामान्य चेकजाँचका क्रममा ७० वटा मोटरसाइकल र बसलाई गरेको कारवाहीमा  १३ हजार एक सय रुपैयाँ बराबरको राजस्व संकलन भएको प्रहरी सहायक निरीक्षक रिद्धिबहादुर थापाले जानकारी दिनुभयो ।