पूर्वलडाकुद्वारा आन्दोलनमा जाने चेतावनी

काठमाडौं, फागुन २० । 

बहिर्गमित पूर्व जनमुक्ति सेना नेपालले आगामी चैतको तेस्रो साता पछि सरकार विरुद्ध कडा आन्दोलनमा जाने चेतावनी दिएको छ । काठमाडौंमा आज पत्रकार सम्मेलन गरेर उनीहरुले आफूहरुका मागप्रति सुनुवाई नभए चैत–२० गते बाट आन्दोलनमा जाने जनाए । 

उनीहरुले आन्दोलनमा जानु अघि नै आफूहरुको माग सम्बोधन हुनु पर्ने माग गरे । सरकारसँग २१ पटक वार्ता गरिसके पछि माग पुरा हुन नसकेको उनीहरुको भनाई थियो । उनीहरुले उचित रकम पाउनु पर्ने, रोजगारी, पुनःस्थापनालगायतका माग गर्दै आएका छन् ।