जनकपुरमा काँक्रोको व्यापार बढ्यो

जनकपुर,चैत १८ ।
गर्मी लागेसंगै जनकपुरमा काँक्रोको व्यापार बढेको छ । काँक्रो खाँदा शरीरमा पानीको कमी हुन नदिने भएकाले गर्मीयाममा काँक्राको बिक्री बढेको व्यवसायीहरुले बताएका छन् । अहिले जनकपुरमा काँक्रोको मुल्य १५ देखि २० रुपैयासम्म प्रतिकिलो बिक्री भइरहेको छ ।

 बैशाख, जेठमा तराई क्षेत्रमा निकै गर्मी हुने भएकाले किसानहरु गर्मीमा धेरै बिक्री हुने फलफूल काँक्रो र तरबुजा खेतीमा लागेका छन् । कमला, जमुनी, जलाधी नदी किनारमा तरबुजाको खेती बढी फस्टाउँदो छ । नदी किनारको जग्गाहरु सदुपयोग गरी प्रत्येक वर्ष राम्रो आम्दानी गर्ने गरेको तरबुजा खेती गर्ने किसान दिनेश यादवले बताउनुभयो ।