जिल्ला कारागार काभ्रेमा कैदीबन्दीको मृत्यु

प्रकाश सुन्दास, काभ्रे, चैत २ ।
जिल्ला कारागार काभ्रे शाखामा गएराती एक जना दलित कैदी बन्दीको मृत्यु भएको छ । चितवन जिल्ला पार्वतीपुर गाविस वडा नम्बर ६ घरभएका गुम्बा विकको मृत्यु भएको प्रहरीले जनाएको छ । जिल्ला प्रहरी कार्यालयले विकको मृत्यु उपचारका क्रममा भएको बताएको छ ।

 उनी केहि दिनदेखि विरामी रहेको बताइएको छ । तर घटनाको बारेमा जानकारी लिन खोज्दा कारागाारका अधिकारीहरु सम्पर्कमा आउन चाहेनन् । घटनाको अनुसन्धान भइरहेको जनाइएको छ । विक २०६७ सालदेखि जिल्ला कारागार काभ्रेमा कर्तव्य ज्यान मुद्दाअन्तर्गत सर्वस्वसहित कैद सजाय भोग्दै आइरहेका थिए । यसअघि जिल्ला कारागार काभ्रेमै रसुवा जिल्ला धैवुङ्ग गाविस वडा नम्बर १ का श्रीनेपाल भनिने कुमार नेपालीको हत्याभएको थियो ।