सिन्धुलीमा होली पर्व शान्तिपूर्वक

 नविनबाबु अधिकारी,

सिन्धुली,चैत १३ ।
आज फागुन शुक्ल पूर्णिमा अर्थात रङ्गहरुको पर्व होली, सिन्धुलीलगायत पहाडी र हिमाली क्षेत्रका नागरिकले एकआपसमा रङ्ग र अबीर लगाएर मनाएका छन् । मित्रता, आत्मीयता, सामीप्य र सद्भाव दर्शाउन साथीसङ्गी, आफन्तजनसँग मुख्यगरी रङ्ग तथा अबीर लगाउने प्रचलन छ । यसै अवसरमा रेडियो शिद्धबाबाले दिउँसो १ बजे देखि ४–३० बजे सम्म होली विशेष कार्यक्रम प्रसारण गरिरहेको थियो । सिन्धुलीमा पाँचजना र दुईटा मोटरसाईकल प्रहरीले नियन्त्रणमा लिएको र केहीबेरपछि उनीहरुलाई छाडिउको सिन्धुली प्रहरीले बताएको छ । ट्राफिक नियम उल्लंघन गरी सवारी मोटरसाईकल चलाएकाले पक्राउ गरिएको सिन्धुली प्रहरीले बताएको छ ।

 होली पर्वलाई शान्ति र सुरक्षामय वनाउनका लागि प्रहरीलई सिन्धुलीका विभिन्न स्थानमा खटाइएको भए पनि भिभिन्न स्थानमा सामान्य झडपबाहेक समग्रमा शान्तिपुर्वक होली मनाइएको सिन्धुलीका प्रहरी नायव उपरीक्षक सानुराम भट्टराईले जानकारी दिनुभयो । सिन्धुलीको केही स्थानमा झगडा सुरु भए पनि प्रहरीले त्यसलाई झगडा सुरु हुने बित्तिकै प्रहरी खटाएर कुनै घटना हुन नदिएको उहाँको भनाइ छ । सडकमा हिँडेका महिलाहरुलाई जथाभावी लोला हाने र इच्छा विपरीत रंग छ्यापे सार्वजनिक मुद्दा चलाइने भए पनि आज सिन्धुलीमा त्यस्तो कुनै अप्रिय घटना नघटेको सिन्धुली प्रहरीले बताएको छ । सिन्धुलीमा यस वर्षको होली पर्व गत बर्षहरुको भन्दा आत्मीयता, सामीप्य र सद्भाव दर्शाउने झझल्को देखिएको थियो ।