काभ्रेबाट ३३ जना चेलिबेटी बेचिए

प्रकाश सुन्दास, 

काभ्रे,चैत १४ ।

काभ्रेपलाञ्चोक जिल्लामा २०५० सालदेखि अहिलेसम्म ३३ जना चेलिबेटी बेचिएको पाइएको छ । बेचिनेहरुमा जिल्लाको पाँचखाल, धुलिखेल, साठीघर, चापाखोरी, सस्र्यूखर्क, सिम्थली, शंखु, ढुङखर्क, पूmलबारी, पनौती, बनेपा, बोल्दे, महादेस्थान  लगायत गाविसका चेलिबेटिहरु रहेका छन् । बेचिएका चेलिबेटिहरुमा तामाङ, बाहुन, क्षेत्री, नेवार, दलित, गुरुङ र पहरी थरका रहेको अनौपचारिक क्षेत्र सेवा केन्द्र इन्सेक काभ्रेले जनाएको छ । विभिन्न काम लगाइ दिने बहानामा दलालहरुले सबै भन्दा बढी जनजाति, उपेक्षित एवं उत्पीडित र दलित महिलाहरु भारतको कोठीहरुमा लगि बेच्ने गरेको इन्सेक काभ्रेका प्रतिनिधि भोजराज तिमिल्सिनाले जानकारी दिनुभयो । 

समाजमा आफ्नो इज्जत गुम्ने डरले पीडित महिलाहरुले उजुरी नदिदाँ बेचविखनमा संलग्न दलालहरुलाई कारबाही गर्न निकै समस्या भइरहेको प्रहरीको भनाइ छ । मावन बेचबिखनमा संलग्न भएका दलालहरुलाई जीउ मास्ने बेच्ने कार्य नियन्त्रण ऐन, २०४३ को दफा ३ र अन्तरिम संविधानको धारा २९ को भाग (३) अनुसार कानुनअनुसार दण्डित गराउन सक्ने व्यवस्था छ तर काभ्रेमा ३३ जना चेलिबेटी बेचखिनमा संलग्न मध्ये एक जनालाई मात्रै मानव वेचविखन तथा शरीर बन्धनमा मुद्दा चलाइएको छ ।