खिलराज रेग्मी नेतृत्वको चुनावी तयारी तिव्र

काठमाडौं  चैत्र ३ ।
संबिधानसभाको निर्वाचन गराउने मुख्य एजेण्डाका साथ गठन भएको खिलराज रेग्मी नेतृत्वको मन्त्रीपरिषद्ले चुनावको तयारीलाई तिव्र पारेको छ । प्रमुख चार राजनीतिक शक्तिहरुबीच बुधबार राति भएको सहमति अनुसार नै असार पहिलो साता निर्वाचन सम्पन्न गर्नेगरि काम अगाडि बढाइएको स्रोतले जनाएको छ । हिजो राति अबेरसम्म बसेको मन्त्रीपरिषद बैठकले संबैधानिक परिषद्को काम, कर्तव्य र अधिकारको कार्यबिधि सम्बन्धि ऐन २०६३ लाई संसोधन गर्न बनेको अध्यादेश २०६९ लाई अन्तरिम संबिधानको धारा ८८ को उपधारा १ बमोजिम राष्ट्रपतिसमक्ष पेश गर्ने निर्णय गरेको छ । 

राष्ट्रपतिबाट अध्यादेश स्विकृत भएलगत्तै संबैधानिक निकायमा पदपूर्तीको काम अगाडि बढाउने सरकारको तयारी छ ।  यसैविच संबैधानिक निकायमा पदपुर्ति लगायतका विषयमा निर्णयका लागि प्रमुख राजनीतिक दलका शिर्ष नेताहरु सम्मिलित उच्चस्तरिय राजनीतिक संयन्त्रको बैठक आज बस्ने बस्दैछ । संयन्त्रको खाका तय नभए पनि दलहरुको आजको बैठकले त्यसको टुंगो लगाउने काँग्रेस नेता एवं कार्यदल सदस्य बिमलेन्द्र निधीले बताउनुभयो । आजको बैठकमा नयाँ निर्वाचनको मिति तोक्ने विषयमा पनि दलहरुबीच छलफल हुने बताइएको छ ।