कक्षा १२ को परीक्षा पहिलो दिन

नविनबाबु अधिकारी, 

सिन्धुली, बैशाख १७.  ।

 कक्षा १२ को परीक्षाको पहिलो दिन अंग्रेजी  विषयको परीक्षामा आज सिन्धुलीको ग्वोलटारमा रहेको परीक्षा केन्द्रमा सामान्य बिबाद भएको छ । परीक्षार्थीहरुले चिट चोर्न नपाएकोभन्दै केही विद्यार्थीहरु आक्रोशित रुपमा प्रस्तुत हुँदा झडपको अवस्था सिर्जना भए पनि छलफलको माध्यमबाट विवाद समाधान गरिएको केन्द्रले जनाएको छ । 

गोल्टारमा ६ विद्यालयका १ सय ६४ मध्ये १ सय ५३ जनाले परीक्षा दिएको र परीक्षा मर्यादित रुपमा भएको परीक्षा केन्द्रले जनाएको छ ।  सिन्धुलीमा अन्य बर्षहरु भन्दा यस पटक पहिलो दिनको परीक्षा मर्यादित रुपमा सम्पन्न भएको जिल्ला शिक्षा कार्यालय सिन्धुलीका जिल्ला शिक्षा अधिकारी चन्द्रप्रसाद लुइृटेलले बताउनुभयो ।