आगलागीबाट सिन्धुलीमा १४ घर गोठ जलेर नष्ट

रमा कार्की, 

  सिन्धुली,चैत २३ ।
सिन्धुलीको मझुवा गाविस वडा नम्बर ५ डाँडा गाउँमा आगलागी हुँदा १४ वटा घरगोठ जलेर नष्ट भएको छ । हिजो दिउँसो गाउँदेखि नजिकैको जंंगलमा बच्चाहरुले खेल्ने क्रममा बालेको आगो घरसम्म आइपुगेको स्थानीयहरुको अनुमान छ । कृष्ण बहादुर खत्री,रामहरि कार्की,रामकृष्ण कार्की लगाएत ९ परिवारको घर गोठ  जलेको हो । 

आगलागीबाट ३ वटा बाख्रा तथा सम्पूर्ण घरमा भएका लत्ता,कपडा,अन्नपात सबै जलेर नष्ट भएको स्थानीय लालुप्रसाद ढकालले जनकारी दिनुभयो । प्रहरी कार्यालय नजिक नभएको र पानीको अभावले गर्दा अहिलेसम्म पनि आगो नियन्त्रणमा आइनसको नसकेको ढकालले जानकारी दिनुभयो । आगलागीबाट ६० लाख बराबरको क्षति भएको स्थानीयको अनुमान छ । आगलागीबाट पीडित परिवारको अहिले विचल्ली भएको छ ।