सदभावनाद्धारा तराईका जिल्ला बन्द

काठमाण्डौ,जेठ १२ । 

विभिन्न माग गर्दै अनसन बसिरहेको सद्भावना पार्टीले आज तराईका २२ जिल्लामा बन्द गराएको छ । संविधानसभा निर्वाचनको मिति घोषणा लगायतका माग राखि आमरण बस्दा समेत माग पुरा नभएको भन्दै सद्भावना पार्टीले आजबाट बन्द गराएको बताएको छ । बन्दका कारण गाडीहरु नचलेपछि जनजीवन प्रभावित बनेको छ । यसैबीच आमरण अनसनपछि स्वास्थ्य अवस्था विग्रिएर उपचारका लागि वीर अस्पतालमा भर्ना गरिएका अध्यक्ष राजेन्द्र महतोलाई जन्डीसको समस्या देखिएको छ ।