चट्याङ लागेर सिन्धुलीमा एक जनाको मृत्यु, तीन जना घाइते

कृष्ण अधिकारी, 

सिन्धुली, जेठ १३ ।

आज विहान सिन्धुलीको कपिलाकोटमा चट्याङ्ग पर्दा एक परिवारका १ जना बालको मृत्यु भएको छ भने  ३ जना घाइते भएका छन् । विहान साढे पाँच बजे तिर परेको चट्याङले  कपिलाकोट २ पाग्रेखोलाका १२ वर्षका बाबुराम थिङ्गको घटनास्थलमै मृत्यु भएको हो ।

 चट्याङ लागेर स्थानीय अभिमान थिङका छोरा बुद्धिमान थिङ, नाति विक्रम थिङ र उनका भाइ शंकर थिङ घाइते भएकाछन् । घाइतेहरुको अहिले कल्पबृक्षमा रहेको मेडिकलमा उपचार भइरहेको स्थानीय शिक्षक गंगा अस्तानीले जनाकारी दिनुभयो ।