जनकपुर अञ्चलमा हुने खेलकुदलाई समेटेर क्यालेन्डर सार्वजनिक

जनकपुर,जेठ ३ । 
 खेलकुद तथा सस्कृति विकास कोषले जनकपुर अञ्चलमा हुने विभिन्न खेलकुदका गतिविधिलाई समेटेर तेस्रो खेलकुद क्यालेन्डर सार्वजनिक गरेको  छ । क्यालेण्डरमा धनुषा, महोत्तरी, सर्लाही र सिन्धुलीको पहिचान समेत उल्लैख गर्दै  यी  जिल्लामा हुने वार्षिक खेलकुदका गतिविधिलाई समेटेको छ । 

क्यालेण्डरमा अञ्चलभरीका विभिन्न ७४ वटा प्रतियोगितालाई समेटेको कोषका कार्यक्रम संयोजक डा.दिपेन्द्र महासेठले वताउनुभयो । उहाँका अनुसार कोषको पुराना कार्यक्रमलाई यथावत राख्दै नयाँ कार्यक्रममा अन्तर विद्यालय स्पोर्टस कम ब्रेन वक्स च्यालेन्ज र अञ्चल स्तरीय जनक जानकी स्पोर्टस अर्वाड कार्यक्रम आयोजना गरिने छ ।

कोषले पत्रकार मार्फत खेलकुदलाई निरन्तरता दिन धनुषा खेलकुद पत्रकार मञ्चलाई ११ थान फुटवल जर्सी हस्तान्तरण गरेको छ । यसैवीच कोषका कार्यक्रम संयोजक महासेठले बैशाख महिना देखि आजीवन प्रत्येक महिना पाँच हजार रुपैया कोषलाई उपलब्ध गर्ने घोषणा गरेका छन । कोषले  चाँडै आगामी तिन बर्षिय कार्य योजना सार्वजनीक गर्ने जनाएको छ ।

विगत तिनवर्ष देखि खेलकुद तथा सस्कृति विकास कोषले जनकुपर अञ्चलका खेलकुद गतिविधीलाई पुन विउज्याउने काम गरेको छ, धनुषा खेलकुद पत्रकार मञ्चका अध्यक्ष सुरेश यादव वताउछन् । कोषले यो कार्यक्रमलाई निरन्तरता दिए जनकपुरले राष्ट्रका लागि उदयी मान खेलाडी उत्पादन गर्नेमा जनकुरका खेलप्रेमी आशावादी रहेको यादवको बुझाई छ ।