निर्वाचन परिणाम मोवाइल एप्पमा

काठमाण्डौ,मसिंर ५ ।
संविधानसभा निर्वाचनको मतगणना परिणाम स्मार्टफोनमै उपलब्ध हुने भएको छ । हाम्रो पात्रो एन्ड्रेइड एप्पले निर्वाचन परिणामलाई तत्काल उपलब्ध गराउने ब्यवस्था मिलाएको छ । एन्ड्रोइड प्लेटफर्मका स्मार्टफोनमा यस एप्पलाई डाउनलोगरेर मोवाइल प्रयोगकर्ताले छिनछिनमा सबै क्षेत्रको मत परिणाम जानकारी पाउने छन् ।

हाम्रो पात्रो एप्पका डेभलपर शंकर उप्रेतीका अनुसार मोवाइल एप्पमा मतपरिणाम बारे पहिलो पटक जानकारी गराउन लागिएको हो । यसको पहिलो पेजमा पार्टीले जितेका सिटबारे जानकारी हुने छ । त्यसपछि जिल्ला र निर्वाचन क्षेत्रपिच्छेको जानकारी भएको पेज देखिने उप्रेतीले वताउनुभयो ।

 त्यसमा उम्मेदवार, पार्टीले पाएको मत, विजयी उम्मेदवारको जानकारी हुने छ । एप्पमा चुनाव चिन्ह सहित दलको नाम, उम्मेदवारको नामलगायत पाएको मतको जानकारी उपलब्ध हुने छ । हाम्रोपात्रो डटकममा पनि निर्वाचन परिणामबारे बिस्तृत जानकारी दिइने उप्रेतीले वताउनु भएको छ ।