रकम हिनामिना भएको पुष्ठी

सिन्धुली,पुस ८ । 

शान्तेश्वरी गाविसमा रहेको उपस्वास्थ्य चौकीका इन्चार्ज राजदेव दासले महिला स्वास्थ्य स्वयमसेविकाको लागि आएको पोशाक भत्ता बापतको रकम हिनामिना गरेको खुलासा भएको छ ।

शान्तेश्वरी, नेत्रकाली र तामाजोर गाविसका स्वास्थ्य स्वयमसेविकाहरु,  स्थानीय र व्यवस्थापन समितिको भेलामा इन्चार्ज दासले आफुले स्वयसेविकाको नाममा आएको करिव ६० हजार रुपैयाँ हिनामिना गरेको स्विकार्दै यही पुस १२ गते सम्ममा फिर्ता गर्ने सहमती गरेका छन । हिनामिना गरेको रकम १२ सम्ममा फिर्ता गर्ने सहमती भएको छ,  उपस्वास्थ्य चौकीका अहेव रामध्वज वाईवा वताउनुहुन्छ । 

इन्चार्ज दासले दशै अगाडी नै उक्त रकम निकासा गरी आफुले चालाएको हिजोको भेलामा स्विकार गरेका हुन । प्रहरी चौकीमा भएको भेलामा दास आफैले   उपस्थ्यचौकीका व्यवस्थापन समितीका अध्यक्षको रोहवरमा उक्त रकम फिर्ता गर्ने सहमतिपत्रमा हस्ताक्षर गरेको वाईवाले वताउनुभयो ।