सिन्धुलीका तीन विद्यार्थीले गरे आत्महत्या

सिन्धुली, असार १ । 

एसएलसी परिक्षामा अनुत्तिर्ण भएपछि सिन्धुलीमा आत्महत्या गर्ने विद्यार्थीको सख्या तीन पुगेको छ । गएको शुक्रवार सार्वजनिक भएको परिक्षा नतिजामा अनुत्तिर्ण भएपछि मर्नेको सख्या तीन पुगेको हो । 

इश्वरी कटुवालले आत्महत्या गरेपछि लागेको भिड । 

आत्महत्या गर्नेहरुमा भिमस्थान गाविस २ पहरे घर भइ चन्द्रावती उमाविबाट एसएलसी दिएकी पवित्रा विक, गणेश मावि मझुवाबाट परिक्षा दिएका  प्रविण दाहाल र भिमस्थान घर भई कमलामाई नगरपालिका ७ माझिटारमा बस्दै आएकी इश्वरी कटुवालले आत्महत्या गरेका हुन् ।

कटुवालले सिन्धुलीमाढीकै गौमती उच्च माविबाट एसएससी दिएकी थिइन । प्रहरीले परिक्षा नतिजाको विषयलाइ लिएर उनिहरुले आत्महत्या गरेको जनाएको छ ।