कमलामाई नगरपालीका उत्कृष्ठ दशमा

मिनकुमार दाहाल, सिन्धुली, साउन ५ ।

नेपाल सरकार संघिय मामला तथा स्थानिय विकास मन्त्रालय अन्र्तगत स्थानिय निकाय वित्तिय आयोगको सचिवालयवाट निर्धारित न्युनतम शर्त मापन तथा कार्य सम्पादन मापनमा कमलामाई नगरपालीका उत्कृष्ठ दश भित्र पर्न सफल भएको छ ।   विभिन्न दश सुचकहरुलाई आधार वनाएर एक सय पुर्णाङ्गकमा गरिएको मुल्याङ्गकन कमलामाई नगरपालीकाले ८० अंक ल्याएको कार्यकारी अधिकृत युवराज आचार्यले वताए । 

आर्थिक वर्ष २०६९/०७० को कार्यसम्पादन मुल्याङ्गकनमा उत्कृट भए पछि कमलामाई नगरपालीकालाई नेपाल सरकारले पुँजीगत अनुदान १५ प्रतिशतले वृद्धि हुने छ । 

नेपाल सरकार संघिय मामला तथा स्थानिय विकास मन्त्रालयले अन्र्तगत स्थानिय निकाय वित्तिय आयोगको सचिवालयको न्युनतम शर्त तथा कार्यसम्पादन मापन कार्यविधी २०६६ अनुसार वार्षिक कार्यक्रम तथा वजेट स्वीकृती, वार्षिक प्रगति समिक्षा, चौमासिक तथा वार्षिक प्रगति प्रतिवेदन, नगरपालीका कोषको खाता संचालन, कर तथा आयस्रोतको अभिलेख, लेखा परिक्षण तथा वेरुजु फछ्यौट, सम्पती व्यवस्थापन, भवन निर्माण तथा नक्सा पास, आय व्यय विवरण र राजश्व दरहरु सार्वजनिक, कर्मचारी व्यस्थापन लगायतका सुचकहरु मापन गर्दा कमलामाई नगरपालीका उत्कृत दश भित्र पर्न सफल भएको कार्यकारी अधिकृत आचार्यले वताए । 

अघिल्लो आर्थिक वर्षमा असफल भएपछि नगरवासीको आलोचनाको पात्र भएको नगरपालीकाले यस वर्ष मेहनतका साथ काम गरेकोले उत्कृष्ट दशमा पर्न सफल भएको उनि बताउछन् । ग्रेडीङ्गको आधारमा छैटौं स्थानमा र अंकका आधारमा नवौं स्थानमा पर्न कमलामाई नगरपालीका सफल भएको छ ।