सिन्धुलीमा २२ करोड ९८ लाख रकम फ्रिज

मिनकुमार दाहाल, सिन्धुली, साउन ५ । 

आर्थिक वर्ष २०७०/०७१ को लागी विभिन्न मन्त्रालयवाट जिल्लामा २ अरर्व ७१ लाख निकासा भएको रकम मध्ये २२ करोड ९८ लाख रुपैयाँ रकम फ्रिज भएको कोष तथा लेखा यिनन्त्रण कार्यालयले जनाएको छ । 

कोष तथा लेखा नियन्त्रण कार्यालय प्रमुख कोष नियन्त्रक नाराणप्रसाद दाहालले दिएको जानकारी अनुसार जिल्लाको चालु तथा पँजीगत दुवै तर्फको रकम फ्रिज भएको छ । कुनै कार्यालयमा सम्वन्धीत मन्त्रालयवाट ढिलो रकम निकासा हुँदा तथा कतै ठेकेदारले समयमै काम नगर्दा रकम फ्रिज भएको देखीन्छ कोष नियन्त्रक दाहालले भने ।

जिल्ला शिक्षा कार्यालयमा भौतिक पुर्वाधार अन्तरगत शौचालय निर्माणको ५ करोड रुपैयाँ फ्रिज भएको छ । त्यसै गरी जिल्ला विकास समितीमा ६६ लाख रुपैयाँ फ्रिज भएको स्थानिय विकास अधिकारी ध्रु्रववहादुर खड्काले वताए ।

जिविसमा सामाजिक सुरक्षा भत्ता ४४ लाख तथा पुँजी गत २२ लाख सहित ६६ लाख रुपैयाँ फ्रिज भएको खड्काले वताए ।  कोष तथा लेखा नियन्त्रण कार्यालय भवन निर्माण ४९ लाख ५५ हजार, खानेपाली ८२ लाख ८६ हजार, सिंचाई २६ लाख, स्वास्थ्य कार्यालयको चालु तर्फको १ करोड ४४ लाख रकम फ्रिज भएको कोष तथा लेखा नियन्त्रण कार्यालयका प्रमुख दाहालले वताए । 

त्यसै गरी कमलामाई नगरपालीकाको १ लाख १२ हजार एलजिसीडिपी तर्फको रकम फ्रिज भएको कार्यकारी अधिकृत युवराज आचार्यले वताए । जिल्लाको सवै कार्यालयवाट धेर थोर वजेट फ्रिज भएको कोष तथा लेखा नियन्त्रण कार्यालयले जनाएको छ ।