आकाशबाट पानी थपिएपछि सिन्धुलीबासी अझै त्रासमै

राजन गाउँले, सिन्धुली, बैशाख १५ । 

महाभूकम्प गएदेखी सिन्धुीबासीले त्रासमै खुल्ला आकाशमा दिनरात बिताइरहेका थिए नै आकाशबाट पानी थपिएपछि अहिले जिल्लावासीलाई पिडामाथी पिडा थपिएको छ ।  

भूकम्पले श्रीमती गुमाएका भीमेश्वरका तुलसी श्रेष्ठ भन्छन् भूकम्पले मेरो जीवन खरानी बनायो । श्रीमती गुमाउनु पर्र्यो, घर पनि पुरियो, पानीले पिटेको पिटेई छ, हार गुहार गर्दा त शत्रुले पनि साथ दिन्छन् होला, शत्रुको पनि आत्मा पलाउछ होला तर,  भगवानसँग सहयोगको बिन्ती गर्दापनि पीडा कम हुन सकेन । 

 जिउमा लगाएको एक सरो लुगा र केटाकेटी लिएर ज्यान जोगाउन त सके तरपनि पानीमा ओत लाग्नै समस्या भएको कमलामाई नगरपालिका–४, आहालेका तुलाराम विकले गुनासो गरे ।

घरभित्र बसौँ भने भूकम्प आउछकि भन्ने त्रास, बाहिरै बसौँ भने पानी पर्न रोकिएको छैन, एक थान पाल सम्म भएको भए टाउको लुकाउने थिए, विकले भने पानी मात्रै नपरेको भएपनि छोराछोरी काखीच्यापेर खुल्ला आकाशमै बस्नेथिए होला ।  

शनिबार गएको भूकम्पले उनको घर पुरै भत्किएको छ ।  भूुकम्पपछि आएको वर्षाका कारण भात पकाएर खान समेत गाह्रो भएको जलकन्याका भुकम्प पिडित रामबहादुर विकले गुनासो गरे । उनले भने  तिनदिन देखी विद्यालयको शरणमा बसेका छौ ।

जिल्लाका अधिकांस भूकम्प पिडितलाई वर्षाले सताएको छ । उनिहरुले सरकारबाट समयमा राहत नपाएकै बेला वर्षाले थप आहत बनाएको गुनासो गरेका छन् । भूकम्पले हल्लाएका घरहरु आकाशको पानी एवं चट्याङ र हावाहुरीले भत्कीएर लड्न थालेका छन् । 

जिल्लामा करिब ७ हजार घरहरुमा भुकम्पले क्षती पु¥याएको पुर्वानुमान गरिएको छ । जसमा  ८० प्रतिशत घरहरु पूर्णरुपमा क्षती भएको अनुमान गरिएको छ ।  पिडितले तत्काल राहतको आशा गरेका छन् । 

बिवरण संकलनका लागि टोलीहरु गाउँगाँउमा खटिएकाले त्यसको विवरण संकलन पछि राहत वितरण गरिने सरकारी अधिकारीहरुले जनाएका छन् ।