सिन्धुली, रामेछाप र दोलखालाई प्रस्तावित तीन नम्बर प्रदेशमा राख्न माग

काठमाडौँ, ३२ साउन । दोलखा, रामेछाप र सिन्धुली जिल्लाबाट संविधानसभामा प्रतिनिधित्व गर्ने  १० जना सभासद्ले ती जिल्लालाई प्रस्तावित तीन नम्बर प्रदेशमा नै राख्न माग गरेका छन् । 

उनिहरुले आज एक विज्ञप्ति प्रकाशित गरी हालै विभिन्न सञ्चारमाध्यममार्फत प्रस्तावित ३ नम्बरको प्रदेशमा समावेश भएका जिल्लाका बारेमा समाचार सम्प्रेषण भएको हुँदा ती तीन जिल्लालाई अन्य प्रदेशमा नलान आग्रह गरेका छन् । 

यसरी माग गर्ने सभाषद्मा पशुपति चौलागार्इं, पार्वत गुरुङ, आनन्द पोखरेल, आङ्दावा शेर्पा, श्यामकुमार श्रेष्ठ, कमला घिमिरे, शिवबहादुर खड्का, मोहनप्रसाद बराल, दीपशिखा शर्मा र गणेशकुमार पहाडी छन् । रासस