सिन्धुलीमा दलका नेतादेखि सामान्य व्यक्तिहरु कुखुरापालनतर्फ आकर्षित ॥

सिन्धुली दपर्ण मसिर १० 

सिन्धुलीमा कुखुरापालन व्यवसाय फस्टाएको छ । पढेलेखेका युवाहरु देखि सामान्य व्यक्तिहरु पनि कुखुरापालन तर्फ आर्कषित भएका हुन् । कुखुराकॊ चल्ला तयार भएको ४५ दिन देखि घर मै बसि बसि राम्रो आम्दानी हुने भएपछि यो व्यवसायले धेरैलाई लोभ्याएको छ । सिन्धुलीमा राजनैतिक दलका नेता देखि निम्न आय भएका किसानहरु पनि कुखुरा पालन तर्फ आकर्षित भएका छन् । कुखुरा र अण्डा बिकि्र हुन थाले पछि घर खर्च चलाउन सजिलो भएको तर बजारको राम्रो व्यवस्था नहुदाँ समस्या रहेको कमलामाई ७ डाँडाटोलका व्यवसायी महेन्द्रदेव श्रेष्ठले बताउनु भयो । 

अन्य मासु भन्दा कुखुराको मासु छिटो छरितो र सजिलै तयार गर्न सकिने हुदाँ पछिल्लो समयमा यसको माग बढ्दै गएको छ । गरे के हुदैन र भन्ने उद्देश्यका साथ सिन्धुली सदरमुकाम देखि ग्रामीण भेग सम्मका किसानहरुले यो व्यवसाय अपनाएका छन् । विदेशमा गइ कठोर मेहनत गर्नु भन्दा गाउँमै बसि कुखुरा पालनबाट राम्रो आम्दानी लिन सकिने कुखुरा पालन व्यवसायमा लागेका किसानहरुले बताएका छन् ।  । ऋणमा डुवेर विदेशमा गइ ज्यानको बाजी लगाएर कडा परिश्रमका साथ पसिनासँग पैसा साट्नु भन्दा मेहनत गरि आफ्नै माटोमा मोती फलाउन सकिन्छ भन्ने उद्देश्यका साथ यो व्यवसायमा लागेको व्यवसायीहरुको भनाई छ ।