कुकुरले बाख्रा मार्न थालेपछि गाउँले चिन्तित

फणि महत/जेठ १/रौतहट 

कुकुरले बाख्रा मार्न थालेपछि रौतहटको रंगपुर गाबिसका किसानहरु हैरान हुन थालेका छन् । कुकुरले मैरा गाउँका ३० वटा बाख्रा मारेपछि किसानहरु नजिकैको चरणक्षेत्रमा  बाख्रा चराउन लैजान पनि हिच्किचाउन थालेका हुन् । कुकुरले मान्छेलाई पनि आक्रमण गर्न थालेको छ ।

 शिकारी कुकुर जस्तो देखिने तीन वटा कुकुरले कटानी जंलगसैया सिम्रीमा समेत दुःख दिने गरेको स्थानीय बासु चौलागाइले बताउनुभयो । स्थानीय नारायण कोइरीले एकै दिन चार वटा बाख्रा मार्दा पनि प्रहरीले नसुनेको गुनासो गर्नुभयो ।