माओवादी विवादका कारण संविधान निमार्ण वाधा पर्न थालेको संवैधानीक समितिका सभापति निलाम्बर आचार्यको आरोप

११ पुस सिन्धुली दर्पण काठमाण्डौ
संवैधानीक समितिका सभापति निलाम्बर आचार्यले माओवादी भित्रको विवादका कारण संविधान निमार्ण वाधा पर्न थालेको आरोप लगाउनुभएको छ । सभापति आचार्यले दलहरुको पछिल्लो विवादका कारण संविधान निर्माणको आसा हराउदै गएको बताउनु भयो ।
यद्दपी दलहरुविच सहमति भए बाँकि पाँच महिनामा संविधान बन्ने उहाँले दावी गर्नुभएको छ । कार्यतालीका बनीसकेका कारण दलहरु एक भएर अघि बढे समयमै संविधान आउनेमा दुविधा नभएको आचार्यको भनाई थियो ।
आचार्यले जेठ १४ गते भित्र संविधान निमार्ण गरी संविधान सभालाई सम्मान जनक विदाई गर्नु पर्ने धारणा राख्नुभएको छ । संवैधानीक समितिले पुस २० भित्रमा संविधानका विषयमा टुङ्गो लगाउनु पर्ने भएका कारण पुस १५ सम्ममा विबाद समाधान उपसमितिले टुङ्गो लगाउनै पर्ने आचार्यको भनाई छ ।
यसैबीच राज्य पुनःसंरचना सुझाव उच्च स्तरिय आयोगले एक महिनामा भएका कामको समिक्षा गरेको छ । आयोगको आज बसेको बैठकमा सरकारले तोकेको समयमा आयोगले आफ्नो जिम्मेवारी पुरा गर्न सक्ने वा नसक्ने भन्ने विषयमा छलफल भएको श्रोतले जनाएको छ ।
आयोग गठन भएको एक महिना पुगेको र अव एक महिना मात्र वाँकी रहेकाले आयोगले आफ्ना कामको समिक्षा गरेको हो । पहिचान र सामथ्र्यको आधारमा राज्य पुनः संरचनाका लागि सुझाव दिने कार्यादेश पाएको आयोगले विभिन्न विषयमा विज्ञसंग छलफल गर्ने कार्ययोजना बनाएपनि आज सम्म कसैसंग छलफल गरेको छैन् । आयोगले विभिन्न विषयका २७ जना विज्ञसंग छलफल गर्ने योजना वनाएको थियो । आयोगले आज सम्म आन्तरिक कार्यविधि र सामान्य छलफल वाहेक केही काम नगरेको श्रोतले वताएको छ ।