लालबन्दीमा भएको सवारी दुर्घटना एक किशोरी गम्भिर घाइते, दलित मारिएको घटना विरुद्ध सर्लाहीका दलितहरुद्वारा चक्का जाम

पुस ११ सुरेश बिडारी लालबन्दी सर्लाही
पूर्व पश्चिम राजमार्ग अन्र्तगत सर्लाहीको लालबन्दीमा आज बिहान भएको सवारी दुर्घटनामा एक जना गम्भिर घाइते भएका छन् । पश्चिमबाट पूर्व जाँदै गरेको ना २ ख ९२१३ नम्बरको ट्रकको ठक्करबाट लालबन्दी ४ बस्ने मुन बहादुर खड्काको अन्दाजी पन्ध्र बर्षिय छोरी मनिषा खड्का गम्भिर घाइते भएकी हुन् ।
स्थानीय रगवेल एकेडेमीमा कक्षा ९ मा अध्यनरत घाइते खड्काको हरिवन स्थित नमुना अस्पतालामा सामान्य उपचार पछि थप उपचारका लागि काठमाण्डौ रिफर गरिएको प्रहरीले जनाएको छ दुर्घटना पछि आक्रोशित भिडले एउटा बसमा तोडफोड समेत गरेका थिए भने घटना पछि एक घण्टा राजमार्गमा चक्काजाम भएको थियो । लालबन्दीमा राजमार्गको ८२।५ फिट भीत्रै बजार लाग्ने गरेकोले धेरै दुर्घटना हुने गरेको भएपनि सम्बन्धित निकाय मौन बसेको स्थानीय बासिन्दाले गुनासो गरेका छन् ।
यसैबीच होटलको चुल्हो छोएको आरोपमा कालिकोटमा दलितको हत्याको विरोधमा सर्लाहीका दलित संघसंगठनहरुले आज हरिवनमा विरोध प्रदर्शन गरेका छन् । पूर्वपश्चिम राजमार्ग अन्तर्गत हरिवनमा बिहान विभिन्न नाराहरु लगाउँदै उनीहरुले विरोध प्रदर्शन गर्नुका साथै एक घटा चक्का जाम गरेका । मृतक मनविर सुनारलाई शहिद घोषणा गर्नुपर्ने पीडित परिवारलाई क्षतिपूर्ति दिनुपर्ने र हत्याराहरुलाई कडा भन्दा कडा सजाय हुनुपर्ने माग सहित विरोध कार्यक्रम गरिएको संघर्ष समितिका संयोजक राजकुमार विश्वकर्मा बताउनुभयो ।