धनकुटामा नकावधारी समूहद्वारा व्यापारीलाई गोली प्रहार

धनकुटा,चैत ४

धनकुटाका चामल व्यापारी धनजीत शाहलाई नकावधारी समूहले गोली प्रहार गरेको छ । घनकुटाको भेडेटार गाविस वडा ३ स्थित कोलबोटेमा हिजो साँझ ६ बजे गोली प्रहार गरिएको प्रहरीले जनाएको छ । चामलको पैसा उठाएर फर्कदै गरेका व्यापारीलाई नकाव लगाएर आएका २ जना युवाहरुको समूहले गोली प्रहार गरेका हुन् । 

अनन्त राईस मिल धरानका सञ्चालक शाहको दाहिने पेटमा गोली लागेको प्रहरीले जनाएको छ । उहाँको वीपि कोईराला स्वास्थ्य विज्ञान प्रतिष्ठान धरानमा उपचार भईरहेको प्रहरी नायव उपरीक्षक शरदकुमार तामाङले बताउँनुभयो । गोली प्रहार गर्नु अगाडी ब्यापारी शाहसंग नकाव लगाएका युवाहरु विच मुक्कामुक्की परेको प्रहरीले बताएको छ ।