आगामी वर्षका लागि दोलखाको विकास बजेट दुई अरव ६१ करोड

शेरबहादुर भुजेल,

दोलखा,फागुन ३०

आउदो आर्थिक वर्ष २०६९.७० का लागि कुल दुई अरव आठ करोड ६१ लाख ४७ हजार रुपैयाँ बजेट सार्वजनिक गर्दै जिल्ला विकास समिति दोलखाको १८ औ जिल्ला परिषद् सकिएको छ । 

दोलखा सदरमुकाम चरिकोटमा आयोजित एक समारोहका बिच पुर्व मन्त्री एवं संविधान सभाका सभासद् देवी खड्काले १८ औ जिल्ला परिषद्को उद्घाटन गर्नु भएको थियो । 

परिषद्मा दोलखाका स्थानीय विकास अधिकारी ऋषिराज आचार्यले गत आर्थिक वर्ष २०६७÷६८ को यर्थात खर्च सहित चालु आर्थिक वर्ष २०६८÷६९ को संशोधित बजेट र आगामी आर्थिक आर्थिक वर्ष २०६९÷७० का लागि प्रस्तावित बजेट सार्वजनिक गर्नु भएको थियो । 

सो अवसरमा स्थानीय विकास अधिकारी आचार्यले गत आर्थिक वर्ष २०६७÷६८ मा जिल्ला विकास कोष अन्र्तगत १२ करोड ८२ लाख र पुँजीगत तर्फ नौ करोड १८ लाख गरी २२ करोड रुपैयाँ खर्च भएको जानकारी दिनु भयो । साथै चालु आर्थिक वर्षका लागि जिल्ला विकास समिति दोलखाले खर्च गर्ने ४४ करोड, ४७ लाख, ७१ हजार रुपैयाँ बराबरको संशोधित बजेट रहेको पनि आचार्यले जानकारी दिनु भयो । 

प्रस्तावित बजेट भौतिक तथा आर्थिक पुर्वधारको विकासका लागि प्रथामिकता दिई खर्च गरिने सो अवसरमा जानकारी गराइयो । साथै पछाडी परेको जाति समुदाय तथा भौगोलिक क्षेत्रको उत्थान र विकासका लागि पनि लक्षित कार्यक्रम सञ्चालन गर्ने, रोजगारमुलक समावेसी आर्थिक विकासका गतिविधि सञ्चालन गरिने कृषि क्षेत्रको व्यवसायीकरण गर्नका लागि पनि प्रस्तावित वजेट खर्च गरिने जिल्ला विकास समिति दोलखाले जनाएको छ । सामाजिक परिचालनद्धारा समुदायको सशक्तिकरण र गरीवी न्युनिकरणका लागि समेत विभिन्न गतिविधि सञ्चालन गर्ने सो अवसरमा जानकारी गराइयो । 

१८ औ जिल्ला परिषद्को अवसरमा विभिन्न क्षेत्रबाट जिल्ला विकास समिति दोलखालाई सहयोग पु¥याउने निकाय तथा व्यक्तिलाई पुरस्कृत गरिएको छ । सम्मानित हुनेहरुमा सार्वजनिक सुनुवाइको माध्यमबाट जवाफदेहीता र पारदर्शीता कायम गर्न सहयोग पु¥याउने गैर सरकारी संस्था असल शासन समन्वय समिति, त्यसैगरी उत्कृष्ट कार्य गर्ने जिल्ला सहकारी कार्यालय र पहाडी बाली अनुसन्धान केन्द्र पुरस्कृत भएका छन् । नगद पाँच हजार सहित प्रशंसा पत्र सहित उक्त निकायलाई पुरस्कृत गरिएको हो ।