अब संविधान समयमा वन्छ:खनाल

काठमाडौं,  वैशाख ५।
 एमालेका अध्यक्ष झलनाथ खनालले दलहरु बीच दुई दिन सम्म चलेको छलफलले निर्धारित समयमै संविधान वन्ने संकेत देखिएको बताउनु भएको छ ।

जाजरकोटका स्थानीय दलका प्रतिनिधिसंग आज भएको टेलिफोन बार्तामा उहाँले हात्तीवन रिसोर्टमा भएको बार्ताले संविधानका धेरै बिषयमा सहमति नजिक पुगेको दाबी गर्नु भयो । दलहरुवीच संविधानमा रहेका विवादित विषयलाई टुंगो लगाउन छलफल भइरहेको र केही दिनमै सहमतिमा पुगिने खनालको भनाई छ ।

 राज्यको पुनर्संरचना, शासकीय स्वरुप, न्याय प्रणाली लगायतका विषयमा गम्भीर छलफल भएको भन्दै खनालले सहमति हुने बताउनु भयो । नेपाल बहुधर्म, बहुभाषा, बहुजाति र बहुसांस्कृतिक विषेशता भएको राष्ट्र रहेको भन्दै खनालले संघीय राज्य निर्माणमा दलहरुका बीचमा सहमति भइसकेको जानकारी दिनु भयो ।