११ कैदी तथा थुनुवालाई कारागार चलान

 खोटाङ,वैशाख १७ । 

प्रहरी हिरासतमा राखिएका खोटाङ्का कैदी तथा थुनुवा गरी ११ जनालाई कारागार चलान गरिएको छ । कारागार शाखा खोटाङका अनुसार १ जना कैदी बन्दी र १० जना थुनुवाहरुलाई सुनसरीको झुम्कास्थित क्षेत्रीय कारागार चलान गरिएको हो । शाखाका अनुसार कुटपिटको मुद्दामा गत पुस–७ गते जेल चलानको पूर्जी पाएका सप्तेश्वर–९ का ५२ वर्षीय टंकप्रसाद राई र हातहरियार तथा खरखजानामा जेल चलानको आदेश पाएका सुङ्देल–३ का संजीव राईलगायत अन्य थुनुवाहरुलाई कारागार चलान गरिएको छ ।

यस्तै, हातहरियार खरखजाना मुद्दामा पुर्पक्षकालागि थुनामा राख्ने आदेश दिइएका किरात जनवादी वर्कर्स पार्टीका कार्यकता हाङ्छा किराती, गोपाल दाहाल र प्रशान्न डिजान भन्ने मोहन राई, सल्ले–६ का सुपेन्द्र राई र राजेश राई, कर्तव्य ज्यान मद्दामा पक्राउ परेका नुनथला–३ का टार्जन राई, सुङ्देल–९ का नरसुपाल राई, आगजनी मुद्धामा पक्राउ परेका डिकुवा–७ का खिला अधिकारी र सावाकटहरे–४ का सुवास विश्वकर्मालाई कारागार चलान गरिएको हो ।

 खोटाङ्मा कारागारको अभाव तथा मुद्दा फैसला नभएका थुनुवाहरुलाई बयानकालागि अदालतमा पटक–पटक उपस्थित गराइरहनु पर्ने भएकाले उनीहरुलाई हालसम्म कारागार पठाउन नसकिएको जिल्ला कारागार शाखा खोटाङका प्रमुख चित्राखर आचार्यले बताउनुभयो