बैद्यद्धारा प्रचण्डसँग सम्बन्धविच्छेद भएको घोषणा

काठमाण्डौ,असार २ । 

एकीकृत नेकपा माओवादीको उपाध्यक्ष मोहन बैद्यले पार्टीका अध्यक्ष पुष्पकमल दाहाल प्रचण्डसँग सम्बन्धविच्छेद भएको घोषणा गर्नुभएको छ । आज आफ्ना पक्षिय नेता कार्यकर्ताहरुको राष्ट्रिय भेलालाई काठमाण्डूमा सम्बोधन गर्दैै बैद्यले पार्टी एकताका लागि प्रचण्डले गरेको आह्वानको कुनै औचित्य नभएको बताउनुभयो ।

उहाँले पहिचान हराईसकेको पार्टीमा बस्नुको कुनै औचित्य नभएको भन्दै आफूहरुले नयाँ पार्टी खोल्ने प्रक्रिया अघि बढाईसकेको उल्लेख गर्नुभयो । अब संसद पुनस्र्थापना हुन नसक्ने भन्दै नयाँ सरकार गठन गरेर गोलमेच सम्मेलन गर्नुपर्ने बताउनुभयो । काठमाण्डूको बौद्धमा जारी बैद्य पक्षिय भेलामा  अ‍े बोलाएको कार्यकर्ता भेलामा करिब ३५ सय कार्यकर्ताको सहभागिता रहेको छ ।  भेलामा अहिले बन्दसत्र चलिरहेको छ ।