फोरम गणतान्त्रिकका असन्तुष्ट नेताले आज प्रधानमन्त्रीसँग छलफल गर्ने

काठमाण्डौ,असार १८ । 

मधेसी जन अधिकार फोरम गणतान्त्रिकका असन्तुष्ट नेताहरुले आफ्नो पार्टीको तर्फबाट सूचना तथा सञ्चारमन्त्री बनेका राजकिशोर यादवलाई हटाउन आग्रहगर्दै आज प्रधामनन्त्री डा बाबुराम भट्टराईसँग छलफल गर्ने भएका छन् । पार्टीकोहित विपरित काम गरेकोभन्दै फोरम गणतान्त्रिकका असन्तुष्ट नेताहरुले हिजो कार्यवाहक अध्यक्ष समेत रहेका यादवलाई हटाएर नन्दनकुमार दत्तलाई कार्यवाहक अध्यक्ष बनाएको घोषणा गरेका थिए । पार्टीको बहुमत केन्द्रीय सदस्यहरुको बैठकले यादवलाई हटाउने निर्णय गरिसकेको र यसवारेमा जानकारी गराउनको लागि आज प्रधानमन्त्रीलाई भेट्न लागिएको असन्तुष्ट केन्द्रीय सदस्य सिताराम अग्रवालले सीआईएनलाई जानकारी दिनुभयो ।

अग्रवालका अनुसार वर्तमान सरकारले सन्तरिम संविधानभन्दा वाहिर गएर काम गर्न नछोडेका कारण केही दिनमै फोरम गणतान्त्रिकले सरकारबाट बाहिरिने निर्णय गर्नेछ । सूचना तथा सञ्चारमन्त्री समेत रहनु यादवले भने पार्टीको नियमविपरित गरिएका निर्णयले अर्थ नराद्यनेभन्दै आज पार्टीको केन्द्रीय समितिको बैठक बोलाउनु भएको छ । असन्तुष्ट गणतान्त्रिकका नेताहरुले भने आजकोक केन्द्रीय समितिको बैठकमा नजाने बताएका छन् ।