सरकारले देशलाई गम्भिर संकटमा लादैछ:खनाल

सुरेश बिडारी, सर्लाही ,असार ३० ।

नेकपा एमालेका अध्यक्ष झलनाथ खनालले वर्तमान सरकारले मुलुकलाई गम्भिर संवैधानिक संकटको स्थितिमा लगिरहेको आरोप लगाउनु भएको छ । मुलुकमा आर्थिक तथा राजनीतिक संकट रहेकै समयमा जेठ  १४ बाट वर्तमान अधिनायकवादी सरकारले संवैधानिक संकट ल्याएको खनालले बताउनुभयो । 

 प्रेस चौतारी नेपाल सर्लाहीले आज लालबन्दीमा आयोजना गरेको पत्रकार सम्मेलनमा अध्यक्ष खनालले मुलुकलाई मुठभेडको अवस्थाबाट शान्तिको अवस्थामा ल्याउन देशका लोकतान्त्रिक शक्तिहरु लागि परिरहेको बताउनुभयो । एमाले पार्टीका जनजाती नेताहरुले राखेको असन्तुष्टीका बारेमा पार्टीमा छलफल भैरहेको खनालले जानकारी दिनुभयो ।