चट्याङ लागेर एकको मृत्यु

कैलाली,भदौ २८ । 

कैलालीको दरख गाविस वडा नम्वर  ५ कौवा गाउँमा हिजो चट्याङ लागेर  एक जनाको मृत्यु भएको छ भने तीन जना घाईते भएका छन् । मृत्यु हुनेमा  ६५ वर्षका ईन्द्रलाल काफ्ले भएको प्रहरीले जनाएको छ  । जामनको रुखमा परेको चट्याङबाट  ७३ वर्षकी रत्ना बटाला, ६४ वर्षकी भागरतीदेवी काफ्ले र १२ वर्षकी दुर्गाचन्द्र घाईते भएका छन् । घाईते तीन जनाको सुखडस्थित घोडाघोडी अस्पतालमा उपचार भईरहेको जिल्ला प्रहरी कार्यालय कैलालीका प्रहरी निरीक्षक सुदाम रावलले जानकारी दिनुभयो ।