भारतमा पनि नेपाली नम्बर प्लेटको गाडीमा रोक

भैरहवा,असोज १२ । 

नेपालमा भारतीय नम्बरको सवारी साधन गुड्न नदिएको विरोधमा भारतीय पक्षले पनि नेपाली नम्बर प्लेटका सवारी साधन गुड्न रोक लगाएको छ । नेपाल भारत सिमा नाका सुनौलीमा भारतीय पक्षले नेपाली नम्बर प्लेटका सवारी साधन गुड्नमा रोक लगाएको हो ।

 नेकपा माओवादीका कार्याकर्ताहरुले हिजोदेखि भारतीय नम्बर प्लेटका सवारीसाधनलाई नेपालमा गुड्न नदिएको र हिजो राती चितवनमा केही गाडीहरु तोडफोड भएको भन्दै त्यसको विरोधमा भारतीय भूमिमा पनि नेपाली गाडी गुडनमा रोक लगाएको ईलाका प्रहरी कार्यालय बेलहीयाका प्रहरी निरीक्षक लिलाराज लामिछानेले बताउनुभयो । 

एक अर्काको देशमा रहेका सवारी साधनहरुलाई निर्वाध रुपमा दुबै पक्षले फर्किन दिएपनि प्रवेशमा भने रोक लगाएका छन् । नेपालमा भारतीय गाडी गुड्न जहिलेसम्म रोक लगाइन्छ, त्यतिन्जेलसम्म भारतीय भूमिमा पनि नेपाली गाडी गुड्न नदिने भारतीयहरुको भनाइ छ ।