लडाकूहरुको भर्ना छनौट आजबाट सहायक शिविरमा

काठमाण्डौ,भदौ २६ । 

माओवादी पूर्व लडाकुहरुहरुको भर्ना छनौटको पहिलो चरणको काम मुख्य शिविरमा सकिएपछि आजबाट सहायक शिविरहरुमा सुरु हुँदैछ । समायोजन रोजेर मुख्य शिविरमा रहेका ११ सय ३ लडाकूले भर्ना छनौटका लागि फारम भरेका छन् । मुख्य शिविरमा रहेका लडाकूको शारीरिक सुगठन जाँच सकिएपछि आजबाट सहायक शिविरमा सुरु हुने र तीन दिनमा त्यो पनि सकिने सेना समायोजन विशेष समिति सचिवालयका संयोजक वालानन्द शर्माले जानकारी दिनुभयो । अधिकृतहरुको छनौट प्रक्रिया भने भोलिबाट सुरु हुनेछ । आज बेलुकासम्म अधिकृतमा छानिएका लडाकूहरुलाई चितवन आइसक्ने जानकारी गराइएको र भोलिबाट काम सुरु हुने शर्माले बताउनुभयो । सचिवालयले असोज २१ सम्म सबै काम सक्ने तयारी गरेको छ ।