सुन्तला गाउँ खुल्ला दिसामुक्त

पर्वत,असोज १३ । 

पश्चिमाञ्चलकै उत्कृष्ट सुन्तला पकेट क्षेत्रका रुपमा परिचित पर्वतको बाँसखर्क गाविस पर्वतको १९ औं खुल्ला दिसामुक्त गाविस घोषणा भएको छ । जिल्ला विकास समिति, वास परियोजनाको सहयोग तथा गाविस तथा गाउँ सरसफाई समन्वय समितिको पहलमा बाँसखर्क खुल्ला दिसा मुक्त गाविस घोषित भएको हो । 

स्वास्थ्य, सरसफाई तथा खानेपानीका क्षेत्रमा पूर्ण रुपमा सुधार आएर गाविसका दुई सय ५६ घरधुरीमा शौचालय निर्माण भइसकेपछि गाविसलाई खुल्ला दिशामुक्त घोषणा गरिएको हो ।