सर्लाहीमा अनुमति नै नलिएका म्यानपावर कम्पनीहरु कामदारलाई विदेश पठाउदै

सर्लाही,असोज २६ । 

सर्लाहीमा अनुमति नै नलिएका म्यानपावर कम्पनीहरुले कामदारलाई विदेश पठाउने गरेको पाइएको छ । सर्लाहीमा आधा दर्जन जति म्यानपावर कम्पनीहरु वैदेशिक रोजगार विभागबाट स्वीकृत नै नलिई सदरमुकाम मलंगवालगायत अन्य ठाउँबाट समेत खुलेका छन् ।

 स्वीकृती नै नलिएका  कम्पनीहरुबाट वैदेशिक रोजगारमा जादाँ ठगिन क्रम बढेको छ । वैदेशिक रोजगार ऐनमा म्यानपावर कम्पनीहरुले अनुमति नलिई जिल्लामा शाखा कार्यलय खोलेमा दुई लाख जरिवाना र शाखा कार्यलय बन्द गर्न सकिने कानुनी प्रावधान भएपनि सर्लाहीका म्यानपार कम्पनीहरुलाई भने कारवाही भएको छैन ।