बोलेरोमा भाडा वढ्यो

विदुर पौडेल,
सिन्धुली,असोज १७ । 

विपी राजमार्ग हुँदै सिन्धुली–काठमाडौं चल्ने वोलेरो यातायात व्यवसायीहरुले दशैको मौका छोपी यात्रुहरुको ढाड सेक्ने गरि भाडामा वृद्धी गरेका छन् । काठमाडौं र सिन्धुलीमा रहेका साना गाडी वोलेरोको काउन्टरले दशैका लागी अग्रीम सिट रोक्न आउने यात्रुहरुलाई टिकटको मुल्य एक हजार पर्ने भन्दै टिकट विक्री गर्न थालेका छन् ।

  सिन्धुलीका यातायात व्यवसायीहरुले विजया दशमीको मौका छोपी यातायातमा भाडा वृद्धि गरेका छन । सिन्धुलीवाट संचालित सानागाडी संचालक  दुई वटा समितीले आफु खुसी भाडा बृद्धि गरेका छन । सिन्धुली–काठमाडौ बोलेरो जिप संचालन गर्दै आएका कमलामाई यातायात र सिन्धुलीगढी यातायात व्यवसायी संघद्धारा संचालन वोलेरो जीपहरु संचालन गरिएको छ । नेपालीहरुको महान चार्ड दशैको मुखमा  सात सय बाट भाडाबृद्धि गरी एक हजार रुपैयाँ लिने गरेको  यात्रुहरुले गुनासो गर्न थालेका छन् ।

दशैमा यात्रुहरुलाई भाडा दर घटाएर सुविदा दिनु पर्ने ठाँउमा उल्टै ढाड सेक्ने गरी भाडा वृद्धि गर्नु सान्र्दभिक नहुने स्थानिय वुद्धकुमार अछामी वताउनुभयो  । दशैको मुखमा वोलेरो भाडा वृद्धि गरे यात्रुहरुले त्यसको विरोध गर्नु पर्ने वताउँनुहुन्छ दिपकवहादुर मिश्र ।  सिन्धुलीगढी यातायात व्यवासायी संघका अमरेशचन्द्र वैदारले दशैको सयममा एक तर्फिमात्रै यात्रुहरु वोक्नु पर्ने भएकोेले भाडावृद्धि गर्नु परेको वताउनुभयो  । वृद्धि गरिएको भाडादरलाई जिल्ला प्रशासन कार्यालयले अनुमति दिए पछि मात्र कार्यान्वयमा ल्याइने वैदारले वताउनुभयो । सिन्धुलीवाट काठमाडौं जाने भाडा दरमा वृद्धि नहुने तर काठमाडौंवाट सिन्धुली आउँदा साविकको भाडामा हेरफेर हुने सिन्धुलीगढी यातायात व्यवसायी संघको काउन्टरले वताएको छ ।

 सिन्धुलीवाट काठमाडौ १ सय ५० किलोमिटरको दुरीमा छ । सिन्धुलीवाट काठमाडौ बस संचालन गर्ने वस व्यवसायीहरुले करिव ३ सय ७५ किलो मिटर  ६ सयमा यात्रा गराइ रहेका छन् । सिन्धुलीवाट छुट्ने वस धनुषा, महोत्तरी, सर्लाही, रौतहट, वारा, पर्सा, मकवानपुर, चितवन, धादिङ्ग हुँदै काठमाडौं पुग्ने गर्छन ।  प्रमुख जिल्ला अधिकारी केशव आचार्य भने व्यवासायीले अनियमित रुपले  भाडा बृद्धिको विषयमा गुनासो आउने गरेको वताउनुभयो  । व्यातायात व्यवसायीहरुले वृद्ध गरेको भाडा दर औचित्य पुष्टी गर्नु पर्ने प्रजिअ आचार्यले वताउनुभयो । दशैको समयमा यातायात व्यवसायीहरुले वढाउन खोजको भाडावृद्धि दर कार्यान्वयन भए झण्डै पचास प्रतिशतल भाडामा मुल्य वढ्ने छ ।