निलगाईका कारण सर्लाही लालबन्दीका किसान चिन्तित

भोजराज कोइराला, 

सर्लाही,कात्तिक २१ । 

निल गाईका कारण सर्लाही लालबन्दीका किसान चिन्तित भएका छन् । निल गाइले खेतमा लगाएको धान, मासलगायतका वाली खाइदिने तथा कुच्लिएर नष्ट गरिदिन थालेपछि किसान चिन्तित भएका हुन् । लालबन्दीस्थित बागबानी तथा त्यस आसपासका जंगलमा रहेका निल गाईको बथान रातको समयमा आएर खेतमा पाक्न लागेको धान, मास लगायतका बाली नष्ट गरिदिने गरेको लालबन्दी–८ का किसान उद्धव भट्टराइले गुनासो गर्नुभयो । राती करिव १२ बजे पछि निल गाइको बथान आएर खेतमा लगाइएको बालीनाली नष्ट गरिदिने गरेको उहाँले बताउनुभयो ।