सचिवद्धारा लाखौ अनियमितता

जनकपुर माघ,१४

धनुषाको लक्ष्मीनिवास गाविसका सचिव ब्रह्मदेव राउत र सहयाक सचिव कौसल महतोले मिलेमतोमा गाविसको लाखौ रकम अनियमितता पारेको रहस्य खुलेको छ ।  गाउँ परिषदमा सचिवले गाविसमा आर्थिक वर्ष २०६८÷०६९ मा जम्मा १५ लाख रुपैया खर्च भएको विल भरपाई पेस गरेपछि रहस्य खुलेको हो ।  गाविसको वडा नम्वर ५ र ६ मा ८ लाख १४ हजारमा गराईएको ग्राईभलमा सचिवले  ३  लाख ६१ हजार रुपैयाँ थप गरि ११ लाख ७५ हजार ४ सयको विल भरपाई पेश गरेको पाइएको छ । तर ग्राईभल उपभोक्ता समितिका अध्यक्ष अर्थमान लामाले आफूहरुले ८ लाख १४ हाजार रुपैयाँको मात्र ग्राईभल गराएको दावी गर्नुभयो । यता प्रमुख सचिव राउतले गाविसको कामकार्बाही र हरहिसाब सम्बन्धमा आफू अनभिज्ञ रहेको प्रतिक्रिया दिनुभयो । त्यस्तै सहयाक सचिव महतोले आफूले पेश गरेको विल भरपाई  सही रहेको दावी गर्दै अन्य शिर्षकमा समेत खर्च भएर १५ लाख  रुपैयाँ पुगेको बताउनुभयो । उहाँले गाविको जम्मा १५ लाख रुपैयाँ खर्च भएकोमा ८ लाख रुपैयाँ जिविसबाट झिकी सकेको र थप ७ लाख रुपैयाँ ऋण रहेको समेत बताउनुभयो । तर स्थानीय दलका प्रतिनिधीहरु र सर्वसाधारणहरुले ९ लाख बराबरको काम मात्र गाविसमा भएको र अन्य ६ लाख रुपिया सचिवले हिना मिना गरेको आरोप लगाएका छन् ।