जन्ती बोकेको बस दुर्घटना एक जनाको मृत्यु २१ जन्ती घाईते

बर्दिया,फागुन,८। 

बर्दिया जिल्लामा जन्ती बोकेको बस दुर्घटना हुँदा एक जनाको मृत्यु भएको छ भने २१ जन्ती घाईते भएका छन् ।गुलरिया नगरपालिका–५, तुल्सीपुर चोकमा ना ३ ख ६२३० नम्वरको बस दुर्घटना भएको प्रहरी उपरीक्षक यमुना रजकले जानकारी दिए । मृत्यु हुनेमा मोतीपुर–३ का जगतबहादुर चौधरी छन् । खाली सडकमा अत्याधिक गतिमा गुडेका कारण बस दुर्घटनामा परेको रजकको भनाई छ ।

कालिका–३ बाट जन्ती लिएर आउँदै गरेको बस तुल्सीपुर चोकस्थित नालामा विहान करीव साढे एघार बजे खसेको थियो ।गम्भीर घाईते मध्ये ७ जनालाई थप उपचारका लागि नेपालगञ्ज पठाईएको छ । सामान्य घाईते १४ जनाको गुलरियामै उपचार भईरहेको नायव उपरीक्षक रजकले बताए ।