भेनेजुयलाका राष्ट्रपति ह्युगे चावेजको निधन

काठमाण्डौ,फागुन २३ ।
भेनेजुयलाका राष्ट्रपति ह्युगे चावेजको निधन भएको ।  ५८ वर्षीय चावेजको क्यान्सर रोगको उपचारको क्रममा निधन भएको हो । केही दिन अघि मात्रै  क्युवामा क्यान्सरको उपचार गराएर स्वदेश फर्कनु भएका चाभेजको  सैनिक अस्पतालमा उपचारकै क्रममा निधन भएको भेनेजुयलाका उपराष्ट्रपति निकोलस मदुरोले घोषणा गर्नु भएको हो । यसैबीच चावेजको निधनप्रति विश्वभरका नेताहरुले दुःख व्यक्त गरेका छन् ।  अमेरिकाका राष्ट्रपति बाराक ओबामाले पनि चावेजको निधनले भेनेजुयलालाई चुनौती थपिएको बताउनुभयो ।  सपथ नै लिन नपाई उनको निधन भएको छ । 

चाभेजको स्वास्थ्य लाभको कामना गरिरहेका भेनेजुयलाका नागरिकहरु चाभेजको निधनले मर्माहित भएको अन्तरष्ट्रिय सन्चारमाध्यमहरुले जनाएका छन् । चाभेजको निधनले भेनेजुयला शोकमा डुवेको छ ।  दक्षिण अमेरिकी देश भेनेजुएलामा चाभेजले १४ वर्षदेखि सत्ता समालिरहनु भएको थियो । गएको अक्टोबरमा मात्रै पनि चाभेजले राष्ट्रति पदका लागि विजयी हुनु भएको थियो  । तर एक वर्षदेखि क्यान्सरबाट पीडित भएकाले चावेजको स्वास्थ्य अवस्थाका कारण शपथ समेत लिन पाउनु भएको थिएन । यसअघि चाभेजको निक्कै चिन्ताजनक अवस्थामा उपचार भइरहेको थियो ।  चाभेज ल्याटिन अमेरिकाको सबैभन्दा  विवादास्पद मानिन्थे । सन्  १९९२ मा सैन्य विद्रोहको असफल प्रयासपछि चाभेज राजनीतिमा प्रवेस गर्नु भएको हो ।