मोनोरेल निर्माणका लागि प्रयास थालिदै

पोष्टराज पहाडी, 

सिन्धुली,फागुन २२ । 

जुनारका लागि प्रख्यात सिन्धुली जिल्लामा जुनार ढुवानी गर्न मोनोरेल निर्माणका लागि प्रयास थालिने भएको छ ।  सिन्धुलीको विशेषगरी जुनार उत्पादन हुने गाविसहरु नाकाझोली देखि रतनचुराको गाविस भवन सम्म मोनोरेल निर्माणका लागि प्रयास सुरु गरिएको जुनार उत्पादन संघ सिन्धुलीका अध्यक्ष निर्मल रम्तेलले जानकारी दिनुभयो । 

उहाँका अनुसार मोनोरेल निर्माणका लागि जुनार उत्पादन जिल्ला संघ र जुनार उत्पादन केन्द्रिय सहकारी संघ दुवैले जापानी कम्पनी जाइका सँग अनुरोध गर्ने भएका छ्न् । साथै मोनोरेल निर्माणमा सहयोग गर्न जापानी कम्पनी जाइका पनि सकारात्मक देखिएको रम्तेलको भनाई छ । मनोरेल निर्माणका लागि पहल गर्न जुनार उत्पादन संघ सिन्धुली र जुनार केन्द्रिय सहकारी संघको साधारण सभाले समेत नितिगत निर्णय गरेको छ ।